ຕົ້ນສາມສາຟຸ່ມ / Cathormion

ຈັດເປັນໄມ້ຟຸ່ມ, ແຕກກິ່ງກ້ານຕໍ່າ. ລຳຕົ້ນສູງ 4-5 ມ, ມີໜາມກະຈ່່າຍຢູ່ທົ່ວລຳຕົ້ນ, ກິ່ງອ່ອນມີຂົນຊະຊາຍ. ໃບປະສົມແບບຂົນນົກຂັ້ນສອງ, ອອກຮຽງສະຫຼັບ, ຍາວ 4-7 ຊມ. ໃບປະສົມຍ່ອຍມີ 2-4 ຄູ່, ອອກຮຽງກົງກັນຂ້າມ, ຍາວ 3-6 ຊມ. ໃບຍ່ອຍມີ 5-13 ຄູ່, ອອກຮຽງກົງກັນຂ້າມກັນ, ຮູບຂອບຂະໜານ, ຍາວ 1-1.5 ຊມ, ໂຄນໃບຕັດ, ຂອບລຽບ, ປາຍມົນ ຫຼື ມີຕິ່ງໜາມ, ບໍ່ມີກ້ານໃບຍ່ອຍ. ຊໍ່ດອກແບບດິ້ວຄັັນຮົ່ມ. ດອກຍ່ອຍອອກເປັນກະຈຸກແໜ້ນ, ດອກວົງນອກຍາວກ່ວາດອກວົງໃນເລັັັັກນ້ອຍ, ຮູບຈວຍ, ຍາວປະມານ 7 ມມ. ກາບດອກແຍກອອກຈາກກັນເປັນ 5 ແສກ, ຮູບສາມຫຼ່ຽມ, ຍາວປະມານ 3 ມມ. ກີບດອກມີ 5 ກີບ, ຮູບຫອກ, ຍາວປະມານ 2 ມມ, ຂອບມີຂົນຂຸຍກະຈາຍຢ່າງໜາແໜ້ນ. ເກສອນເພດຜູ້ມີຈຳນວນຫຼາຍ, ກ້ານຊູຖົງລະອອງເຊື່ອມຕິດກັນເປັນຫຼອດ, ຍາວ 4-5 ຊມ. ເຕົ້າໄຂ່ກ້ຽງ, ຄໍເຕົ້າໄຂ່ຮູບເສັ້ນດ້າຍ, ປາຍຮ່ວງຮັບມີລັກສະນະເປັນຕຸ່ມ. ໝາກເປັນຝັກໂຄ້ງງໍ, ແປ, ເປັນວັກເປັນຄື້ນຕາມເມັດ, ຍາວປະມານ 20 ຊມ. ແກ່ນແປ, ຮູບໄຂ່ປີ້ນ, ຍາວ 1-1.2 ຊມ.